Политика за приватност и користење на системот eDanoci.mk

1. Цел на системот

Централизираниот систем за даночни решенија и комунални такси, во понатамошниот текст: Системот, претставува електронска платформа која овозможува:

• евиденција на регистриран имот во надлежната општина;
• масовна и индивидуална проценка на недвижен имот;
• издавање, увид и следење на даночни решенија за имот и комунални такси;
• поднесување барања поврзани со локални даноци и комунални такси;
• електронско плаќање на даночни обврски;
• пристап до податоци од страна на овластени вработени во општините;
• увид и самоуслуга од страна на регистрирани даночни обврзници.

2. Контролор на личните податоци

Контролор на личните податоци е надлежната општина за која корисникот ја користи услугата, односно општината која ја води постапката за утврдување, евиденција, наплата и администрирање на локалните даноци и комунални такси.

Секоја општина, како контролор, самостојно ја утврдува целта и начинот на обработка на личните податоци согласно законските надлежности кои произлегуваат од прописите за локални даноци, комунални такси, даночна постапка и други применливи прописи.

3. Обработувач на личните податоци

Друштвото за компјутерски консултантски услуги ИНВЕНТИКО ДОО Скопје е обработувач на личните податоци во рамки на платформата eDanoci.mk, во согласност со договорите склучени со надлежните општини.

ИНВЕНТИКО ДОО Скопје ги обработува личните податоци само по инструкции на надлежната општина и исклучиво за потребите на функционирање, одржување, техничка поддршка, безбедност и развој на системот во рамки на договорените услуги.

4. Корисници на системот

Системот може да го користат следните категории корисници:

• овластени административни корисници, односно вработени во единиците на локална самоуправа;
• регистрирани даночни обврзници кои креирале кориснички профил;
• нерегистрирани даночни обврзници кои користат брза проверка или електронско плаќање;
• овластени лица кај обработувачот, исклучиво за техничка поддршка, одржување и безбедност.

5. Категории на лични податоци кои може да се обработуваат

Во зависност од услугата која се користи, преку Системот може да се обработуваат следните категории лични податоци:

• име и презиме;
• име на родител, доколку е дел од службената евиденција;
• адреса на живеење или адреса на недвижност;
• општина, населено место, улица и број;
• ЕМБГ или ЕДБС, кога е потребно за идентификација;
• е-пошта и телефонски број, доколку корисникот ги внесе при регистрација или комуникација;
• податоци за недвижен имот, парцела, објект, сопственост или корисничко право;
• податоци за даночни решенија, задолжувања, уплати, долгови и финансиска картица;
• технички податоци поврзани со користење на системот, како IP адреса, време на најава, сесија и логови.

6. Цели на обработката

Личните податоци се обработуваат за следните цели:

• регистрација и најава на корисник;
• проверка на идентитет на даночен обврзник;
• пристап до даночно досие;
• преглед на даночни решенија и задолжувања;
• преглед на финансиска картица и статус на уплати;
• поднесување барања за услуги поврзани со локални даноци и комунални такси;
• електронско плаќање на обврски;
• комуникација со надлежната општина;
• одржување на безбедноста, интегритетот и достапноста на системот;
• водење логови и ревизорска трага за пристап и промени во системот.

7. Правен основ за обработка

Обработката на личните податоци се врши врз основа на законските надлежности на општините за утврдување, евиденција, администрирање и наплата на локални даноци и комунални такси, како и врз основа на исполнување законска обврска и обезбедување електронски услуги за даночните обврзници.

За одредени функционалности, како регистрација на кориснички профил, внесување е-пошта, контакт телефон или користење електронски известувања, обработката може да се врши врз основа на барање или активност преземена од самиот корисник.

8. Начела за обработка на лични податоци

При обработката на личните податоци се почитуваат следните начела:

• Законитост, правичност и транспарентност: податоците се обработуваат врз јасна цел и законски основ.
• Ограничување на целта: податоците се користат само за конкретни, јасни и легитимни цели.
• Минималност на податоци: се обработуваат само податоци кои се неопходни за услугата.
• Точност: системот содржи контролни механизми за намалување на грешки и неконзистентност.
• Ограничување на складирање: податоците се чуваат согласно законски рокови и потребите на постапките.
• Интегритет и доверливост: се користат технички и организациски мерки за заштита.

9. Пристап, овластувања и следливост

• Пристап до личните податоци имаат само овластени лица кај надлежната општина и обработувачот.
• Пристапот е ограничен според улога и се заснова на принципот на најмал неопходен пристап.
• Регистрираните даночни обврзници имаат пристап исклучиво до сопствените податоци.
• Сите значајни активности во системот може да се евидентираат преку логови.
• Корисниците може да имаат увид во последните најави и обиди за пристап до нивното даночно досие.

10. Обврски на корисниците

• Корисниците се должни да го користат системот само за службени или лични цели во рамки на законските овластувања.
• Забрането е неовластено споделување, копирање, преземање или злоупотреба на податоците од системот.
• Корисниците се должни веднаш да пријават сомнителен пристап или безбедносен инцидент.
• Корисниците се должни да ја чуваат тајноста на лозинката и да не ја споделуваат со други лица.
• Промената на лозинка може да биде задолжителна во определен временски период или при безбедносна потреба.

11. Рокови на чување

Личните податоци се чуваат онолку долго колку што е потребно за исполнување на законските обврски на надлежната општина, водење на даночните постапки, наплата, архивирање и постапување по барања, жалби или други правни постапки.

Техничките логови се чуваат во рок кој е неопходен за обезбедување безбедност, ревизорска трага, откривање злоупотреби и непречено функционирање на системот.

12. Права на субјектите на лични податоци

Секој субјект на лични податоци има право да побара:

• информација дали се обработуваат негови лични податоци;
• пристап до личните податоци;
• исправка или дополнување на неточни или нецелосни податоци;
• бришење на лични податоци, кога за тоа се исполнети законските услови;
• ограничување на обработката;
• приговор на обработката, кога тоа е применливо;
• информација за изворот, целта и начинот на обработка;
• да поднесе претставка до Агенцијата за заштита на личните податоци.

Барањата за остварување на правата се поднесуваат до надлежната општина како контролор на личните податоци. Доколку барањето е доставено преку eDanoci.mk или до ИНВЕНТИКО ДОО Скопје, истото ќе биде проследено до надлежната општина за постапување.

13. Барање за пристап, исправка и други права

Корисникот може да поднесе барање за пристап, исправка, бришење, ограничување или приговор преку објавените контакт податоци на надлежната Општина како контролор на личните податоци, или преку офицерот за заштита на лични податоци кај ИНВЕНТИКО ДОО Скопје, доколку барањето се однесува на користењето на платформата eDanoci.mk.

За постоечкиот образец, може да се симне и пополни: Барање за пристап и исправка на лични податоци . Пополнетото барање може да се достави до надлежната општина или до офицерот за заштита на лични податоци кај ИНВЕНТИКО ДОО Скопје, кој ќе го проследи до надлежниот контролор кога тоа е потребно.

При поднесување барање, може да биде потребна дополнителна идентификација на подносителот со цел заштита од неовластено откривање, исправка или бришење на лични податоци.

14. Обрасци за остварување права на субјекти на лични податоци

Секој субјект на лични податоци има право да поднесе барање за остварување на своите права согласно Законот за заштита на личните податоци. Барањето може да се достави до надлежната општина како контролор на личните податоци или до офицерот за заштита на лични податоци кај ИНВЕНТИКО ДОО Скопје, доколку барањето се однесува на користење на платформата eDanoci.mk.

• Барање за пристап и исправка на лични податоци
• Барање за бришење на лични податоци
• Барање за ограничување на обработка на лични податоци
• Приговор за обработка на лични податоци

При поднесување на барање, може да биде потребна дополнителна идентификација на подносителот, со цел заштита од неовластен пристап, откривање, исправка или бришење на лични податоци.

Доколку барањето се однесува на лични податоци за кои контролор е надлежната општина, ИНВЕНТИКО ДОО Скопје ќе го проследи барањето до соодветната општина за понатамошно постапување.

15. Безбедносни мерки

• Системот користи криптирана комуникација преку HTTPS/TLS.
• Пристапот е заштитен со корисничко име и лозинка.
• Се користат кориснички улоги и ограничување на пристапот.
• Се водат логови за пристап и значајни активности.
• Се применуваат резервни копии, техничка заштита и мерки за спречување неовластен пристап.
• Се вршат технички проверки и ажурирања на системот.

16. Јавно објавување на листи и информации

17. Колачиња

eDanoci.mk користи неопходни колачиња потребни за правилно функционирање на системот, најавување, безбедност, зачувување на сесија и користење на електронските услуги.

Доколку во иднина се користат аналитички, маркетинг или други не-неопходни колачиња, тие ќе се користат само по претходно информирање и, кога е потребно, по добиена согласност од корисникот.

Повеќе информации се достапни во Политиката за колачиња.

18. Офицер за заштита на лични податоци и контакт

За прашања поврзани со обработката на личните податоци, корисникот може да се обрати до надлежната општина како контролор на личните податоци.

За прашања поврзани со техничкото функционирање на платформата eDanoci.mk, како и за прашања поврзани со заштитата на личните податоци во делот на активностите што ги врши ИНВЕНТИКО ДОО Скопје како обработувач, корисникот може да се обрати до офицерот за заштита на лични податоци кај ИНВЕНТИКО ДОО Скопје.

Друштво за компјутерски консултантски услуги ИНВЕНТИКО ДОО Скопје
П.Факс 808
1001 Скопје
Република Северна Македонија

19. Измени на политиката

Оваа Политика може да биде изменета или дополнета со цел усогласување со законските обврски, препораките на надлежните институции или промените во функционалностите на системот.